Karya: Eka Dwika
Bungong Desa cukop that haroem
Jaga rakan loen bek kumbang peudoda
‘Oh troeh wate bungoeng dalam on
Keumang seukuntom haroem lagoina
Limong wate beuna ta ingat
Sabe jeut saat beusajan gata
Ceudah rupa hanya sesaat
Uroe kiamat bandum binasa
Ceudah narit beusaban hate
Bungoeng sitangke keumang lam Desa
Poma ngoen Ayah ta gaseh sabe
Doa meusampe geutanyoe bahagia
Leuhan, 24 Juni 2018
